Víctor Senra e José Murado, aos mandos do Citroën C3 WRC foron os vencedores da 28 edición do Rallye da Coruña, primeira parada do Campionato Xunta de Galicia de Rallyes de 2024.
Senra e Murado foron os mellores nun espectacular inicio de certame cunha sensacional lista de inscritos e no que a afluencia de público foi enorme, con cifras que superaron os 65.000 espectadores no cómputo xeral da fin de semana.
Os do Citroën C3 WRC repuxéronse dunha penalización de 40 segundos ao non arrancar o vehículo nunha ligazón para sumar o primeiro triunfo da tempada, nesta ocasión sen coeficiente ao tomar a salida tres WRC.
Precisamente outro vehículo desta categoría, pilotado por Iván Ares e Borja Rozada foi segundo clasificado a 44,3 segundos da cabeza. Completaron o podio da proba Alberto Meira e Avelino Martínez aos mandos do Skoda Fabia R5, co que ademáis logrou a victoria dentro do Supercampionato R5 Pirelli Recalvi.
No cuarto posto da clasificación remataron Daniel Berdomás e Brais Mirón, remontando postos logo dun percance no primeiro treito cronometrado do rallye e finalizando no segundo posto do Supercampionato.
Jorge Pérez e Miriam Vera e Alberto Nimo e José Pintor foron quinto e sexto clasificados, ocupando ademáis o terceiro e cuarto lugar do Supercampionato, respectivamente.
Nos formatos promocionais do Campionato Galego, primeiro lugar da Top Ten Pirelli Driver Autia B para José Lamela e Unai Conde co Toyota, seguidos de Antonio Valcárcel «Ventura» e Alberto González e de Rubén Díaz e Yago García, do Peugeot.
Marcos Rodríguez e Daniel González estreáronse na Top Ten C cunha convincente victoria con máis dun minuto de vantaxe sobre Sergio Sánchez e Luis Prego e Dani Castro e Sergio Martínez.
Dentro da Pirelli AMF o chanzo máls alto do podio foi para Jacobo Segade e Andrea Fidalgo que no Peugeot 106 confirmaron a súa candidatura ao ser campións deste formato. Omar López e Iván Bergondo foron segundos e Daniel Lamas e Estefanía Escuredo situáronse a continuación.
Joaquín Pérez e Adrián Muñiz sumaron un novo primeiro lugar no Volante FGA mantendo a mesma liña do ano pasado ainda que coa resistencia dos debutantes neste formato, Marco Lorenzo e Diego Gil, que brillaron nesta primeira carreira e sumaron o primeiro posto na PXP. Diego Camuñas e Lucía Sesar foron terceiros e segundos da PXP. Adrián Torreiro e Pedro Rivas foron cuartos do Volante e terceiros da PXP.
E entre os clásicos os mellores foron Juan Manuel Freiria e Xeila Bermudez, seguidos de Cristóbal Eiranova e Manuel Mosquera.
A próxima proba do Campionato Xunta de Galicia de Rallyes terá lugar en Lalín co retorno do Rallye do Cocido ao certame autonómico os días 5 e 6 de abril.