Sarria acolle este sábado 26 de outubro a novena e penúltima data puntuable para o Campionato Xunta de Galicia de Slalom.
A localidade lucense, habitual do certame autonómico, contará con máis de 40 equipos na liña de saída dunha proba que encherá de vida o seu casco urbano.
En canto aos principais inscritos, parten como favoritos Rubén Gandoy, Pablo Castro, Antonio Amor ou Daniel Mellado, entre moitos outros. A variedade de vencedores durante a tempada 2024 confirma a igualdade dun certame con ampla representación e emoción.
Con respecto aos horarios, a primeira manga de adestramentos está marcada para as 10:30 horas da mañá na contorna do Campo da Feria. A continuación será o turno para a segunda manga de adestramentos, antes do parón do mediodía.
A partir das 16:00 horas, turno para as dúas mangas oficiais, antes de afrontar a entrega de premios aos vencedores ás 21:45 horas no anfiteatro da vila.