O Campionato Xunta de Galicia de Rallyes – Recalvi retorna ás estradas galegas logo de seis semanas de parón. Nesta ocasión toma a iniciativa o Rallye de Ferrol, sexta cita puntuable para o certame e actualmente a decana das probas do autonómico con 57 edicións.
Visita á provincia da Coruña e proba con formato de dúas xornadas. Pola mañá, turno para o shakedown no que estarán máis de 25 equipos (a partir das 11:00 horas) e pola tarde, dous treitos que servirán como aperitivo para o sábado.
No segundo día de competición, seis treitos que os equipos participantes disputarán entre as 09:30 horas e as 17:00 horas da mañá, nun formato moi comprimido e que non dará un respiro a ningún dos presentes.
Entre os equipos favoritos, nova batalla entre Meira e Berdomás, con permiso de un Lamela que estreará un Citroën C3 Rally2. Outra novidade será a estrea dun Hyundai I20 Rally2 por parte de Iago Gabeiras e Ian Quintana. Ademáis dos participantes do Supercampionato tamén estarán os competidores das Top Ten B plus e classic, a Challenge R2, a Top Ten C, a Pirelli AMF e o Criterium Recalvi nunha lista de 106 equipos.
Os tempos online poden seguirse na seguinte ligazón: