O Centro Cívico Socio Cultural do Concello de As Somozas acolleu o pasado sábado, 10 de outubro, o Curso de Cronometraxe de Automobilismo, unha xornada formativa organizada pola Escudería As Somozas en colaboración co Concello de As Somozas e a Federación Galega de Automobilismo (FGA).
A actividade, que cubriu o cupo máximo de 40 prazas dispoñibles, desenvolveuse en horario de mañá co obxectivo de capacitar a novos profesionais e afeccionados para colaborar activamente nas probas oficiais do calendario galego.
Ao longo da xornada, os asistentes puideron profundizar nos aspectos clave da disciplina a través dun programa completo que combinou teoría e exercicios prácticos:
Neste senso os participantes recibiron nocións sobre e normativa, o papel do cronometrador e, como non, a aplicación práctica do mesmo.
Con esta iniciativa, a Escudería As Somozas e o Concello reafirman o seu compromiso coa promoción do deporte do motor e coa formación de persoal cualificado para garantir o correcto desenvolvemento das futuras probas automobilísticas na rexión.