A Federación Galega de Automobilismo, despois de escoitar aos participantes dos formatos promocionais AMF Orixe e Top Ten Pirelli Driver Autia B “Classic” e analizar as diferentes solucións para facer máis sostible e igualada a competición decidiu:
Que a AMF Orixe teña finalmente seis probas puntuables. Neste formato promocional haberá un descarte e será preciso participar en catro probas para figurar na clasificación final.
En canto aos premios, mantéñense os marcados inicialmente no regulamento da primeira edición da AMF Orixe (400,300 e 150 euros por carreira).
Con respecto a Top Ten Pirelli Driver Autia B “Classic” establécense uns premios de 300,200 e 100 euros por carreira aos tres primeiros clasificados desta copa e un trofeo de vencedor ao mellor equipo tracción traseira por carreira.
Do mesmo xeito, os participantes da Top Ten B “Classic” participarán en seis probas e descartarán unha.
Se participasen no resto de probas puntuarían igualmente para a xeral do formato promocional, pero sairán igualmente detrás da Top Ten C.
En ámbalas dúas copas, AMF Orixe e Top Ten B “Classic”, os participantes sumarán estos premios aos das clasificacións “absolutas” das dúas copas Pirelli AMF e Top Ten Pirelli Driver Autia B.
Nos vindeiros días producirase a modificación dos regulamentos e a publicación do calendario final.