A Federación Galega de Automobilismo pon en marcha un programa de axudas aos pilotos e copilotos galegos para que participen en probas de carácter nacional en Galicia..
A axuda, orientada ás probas puntuables para os distintos Campionatos de España en Galicia, será de 50 euros para piloto e copiloto e contribuirá ao pago do permiso de participación ou á habilitación da licencia nacional.
As condicións para a concesión desta axuda de 50 euros (piloto ou copiloto) son:
- Estar en posesión da licencia autonómica de Galicia.
- Solicitar o certificado á FGA como poseedor da licencia autonómica de Galicia.
- Tramitar a habilitación nacional ou o permiso de participación.
- A FGA aboará 50 euros por piloto ou copiloto que habiliten a licencia ou soliciten o permiso de participación para a proba, debendo estar inscritos na proba que soliciten a axuda.
- O abono destas axudas farase efectivo ao organizador do evento para que aplique o desconto aos pilotos e copilotos.
Desta forma a Federación Galega de Automobilismo colabora cos federados e as organizacións de carácter nacional galegas para que conten co maior número de inscritos nas súas citas deportivas.